Aqpan aıynda Qazaqstannan 1 mln AQSh dolaryna jýyq qarjy shyǵarylmaq bolǵan – mınıstrlik
«2022 jyldyń tek aqpan aıynda ǵana «Jetisý», «Áýejaı-Astana», «Áýejaı-Aqtóbe», «Qazyǵurt», «Áýejaı-Shymkent», «Áýejaı-Aktaý» keden beketterinde deklaratsııalanbaǵan qolma-qol aqsha qarajattaryn alyp ketýdiń 51 faktisi anyqtaldy. Deklaratsııalanbaǵan qolma-qol aqshanyń somasy 995 410 AQSh dollaryn qurady», - dep habarlady vedomstvodan.
Jalpy bıylǵy aqpan aıynda 50 ákimshilik quqyq buzýshylyq týraly materıaldar jasalǵan (taýarlardy, qolma-qol aqsha qarajatyn, aqsha quraldaryn deklaratsııalamaý nemese anyq emes kedendik deklaratsııalaý, kedendik qujattardaǵy málimetterdi anyq emes málimdeý). Atalǵan zań buzýshylyqtar boıynsha 1 531 500 teńgege aıyppul salyndy.
4 aqpanda Almaty qalasynyń halyqaralyq áýejaıynda «Jetisý» keden beketiniń qyzmetkerleri «Almaty-Ystanbul» áýe reısimen ushýǵa baǵyttalǵan QR azamatyn toqtatty. Odan deklaratsııalanbaǵan 97 000 AQSh dollary tabyldy. Materıal odan ári tergeý úshin Almaty qalasy boıynsha Ekonomıkalyq tergeý departamentine berildi.
2022 jyldyń 8 aqpanynda «Jetisý» keden beketiniń qyzmetkerleri Ystanbulǵa ushpaq bolǵan Qazaqstan azamatyn ustap, odan 26 000 AQSh dollary mólsherinde deklaratsııalanbaǵan aqsha tapty.
Tek elordada 2022 jyldyń aqpan aıynda jeke tulǵalarǵa 9 ákimshilik quqyq buzýshylyq týraly materıaldar jasalǵan, ol azamattar 101 341 421 teńge, naqty aıtqanda 219 414 AQSh dollaryn deklaratsııalamastan shekaradan alyp ótpek bolǵan, aıyppuly – 275 670 teńge.
Máselen, 2022 jylǵy 11 aqpanda Nur-Sultan qalasynyń «Nursultan Nazarbaev» halyqaralyq áýejaıynda «Nur-Sultan-Antalıa» halyqaralyq áýe reısimen ushyp bara jatqan Qazaqstan azamaty ustalyp, odan 32 552 AQSh dollary mólsherindegi deklaratsııalanbaǵan qarajat anyqtaldy.
2022 jylǵy 22 aqpanda Nur-Sultan qalasynyń «Nursultan Nazarbaev» halyqaralyq áýejaıynda «Nur-Sultan-Dýbaı» halyqaralyq áýe reısimen ushyp bara jatqan Qazaqstan azamatyn ustap, odan 43 070 AQSh dollary somasynda deklaratsııalanbaǵan aqsha anyqtaldy.
2022 jylǵy 3 aqpanda «Áýejaı-Aqtóbe» keden beketiniń qyzmetkerleri QR UQK Shekara qyzmetimen birlesip, Ystanbulǵa ketip bara jatqan er adamnan deklaratsııalanbaǵan 40 000 AQSh dollary kólemindegi qarjyny kedendik baqylaýdan jasyryp alyp ótpek bolǵany anyqtaldy.
2022 jylǵy 21 aqpanda «Áýejaı-Aqtaý» keden beketiniń mamandary men shekara qyzmeti jáne ekonomıkalyq tergeý departamentiniń qyzmetkerleri birlesken kedendik baqylaý kezinde «Aqtaý-Tbılısı» halyqaralyq avıareısin resimdeý barysynda qazaqstandyqtan 27 100 AQSh dollary somasynda deklaratsııalanbaǵan aqsha anyqtaldy.
2022 jyldyń 11 aqpanynda «Qazyǵurt» keden beketinen 10 334 AQSh dollary kólemindegi shetel valıýtasyn deklaratsııalamastan alyp bara jatqan er adamdy ustady.
Shymkentte 17 aqpanda «Shymkent-Ystanbul» áýr eısimen ketip bara jatqan Qazaqstan azamatynan delkratsııalanbaǵan 10300 AQSh dollary somasyndaǵy qolma-qol aqsha anyqtalyp, 30630 teńge aıyppul salynǵan.
Memlekettik kirister komıtetinde «Qazaqstan Respýblıkasyndaǵy kedendik retteý týraly» Qazaqstan Respýblıkasy Kodeksiniń 343-baby 1-tarmaǵynyń 7) tarmaqshasynda qolma-qol aqsha qarajaty kedendik deklaratsııalaýǵa jatatynyn eske saldy.
«Kedendik deklaratsııalaýdy júzege asyrý ótkiziletin qolma-qol aqshanyń jáne jol chekteriniń shyǵýy jáne maqsaty týraly málimetterdi kórsete otyryp, ákelinetin nemese áketiletin qolma-qol shetel valıýtasynyń, qolma-qol Ulttyq valıýtanyń jáne jol chekteriniń barlyq somasyna jazbasha nysanda kedendik deklaratsııa berý arqyly júrgiziledi.
Budan basqa, taýarlardy kedendik deklaratsııalaý kezinde jeke tulǵalar 10 000 (on myń) AQSh dollary balamasyna teń nemese odan aspaıtyn jalpy somadaǵy qolma-qol shetel valıýtasyn jáne (nemese) qolma-qol ulttyq valıýtany (baǵaly metaldardan jasalǵan monetalardy qospaǵanda) jáne jol chekterin kedendik deklaratsııasyz QR-ǵa ákelýge nemese QR-dan áketýge quqyly»,-delingen Qarjy mınıstrliginiń habarlamasynda.
