Aqpan aıynda Qazaqstanda 2,13 trln teńge aınalymda boldy

NUR-SULTAN. QazAqparat - Qazaqstanda 2019 jyldyń aqpan aıynda qolma-qol aqsha aınalymy kólemi ótken aıdaǵy kórsetkishten 1,6%, 2018 jyldyń jeltoqsanynan 5,5% qysqaryp, 2,134 trln teńgeni qurady, dep habarlaıdy QazAqparat tilshisi QR Ulttyq bankine silteme jasap.

Ulttyq banktiń aqparatyna súıensek, ótken aıda qolma-qol aqshalardy, lıkvıdti teńge depozıtterin qamtıtyn M1 aqsha agregaty 14,1% azaıyp, ıaǵnı 5,507 trln teńgeni quraǵan.

Qolma-qol aqshalardy, lıkvıdti teńge depozıtterin, lıkvıdti valıýtalyq depozıtterdiń barlyǵyn qamtıtyn M2 ındıkatory 6,5% tómendep, 14,814 trln teńge bolǵan.

Aqsha massasy 7,9% qysqaryp, 19,72 trln teńgeni quraǵan. Aqsha bazasy nemese QR Ulttyq bankiniń aqshalary bıyl qańtar aıynda 6,7% azaıyp, 6,519 trln teńge bolǵan. Qysqasha túsinik boıynsha, aqsha bazasy 9%, ıaǵnı 5,874 trln teńgege deıin kemidi. Ekinshi deńgeıli bankter jáne basqa da uıymdardyń QR Ulttyq bankindegi depozıtteriniń kólemi 10%, ıaǵnı 4,06 4,06 trln teńgege deıin azaıdy.