Aqpan aıynda qandaı sporttyq jarystar ótedi
ASTANA.QazAqparat - QR Ulttyq olımpıadalyq komıteti aqpan aıynda ótetin basty dodalardyń tizimin jarııalady, dep habarlaıdy QazAqparat.
Bıyl qazaqstandyq sportshylardy Olımpıada oıyndaryna upaı enshileıtin mańyzdy jarystar kútip turǵany barshamyzǵa belgili. Sol úshin ár jarys saıyn ár sportshy ózderin barynsha bıikten kórsetýge kúsh salatyny anyq.
Aqpandaǵy jarys shymyldyǵyn veloshabondozdar bastalmaq. Shymkentte 1-2 aqpan kúnderi velokrosttan Qazaqstan chempıonaty ótedi.
Ary qaraı Shymkent shahary elimizdegi balýandardyń da basyn qospaqshy. 7-10 aqpan aralyǵynda erkin jáne grek-rım kúresiniń sheberleri elimizdiń jańa chempıondaryn anyqtaıdy.
Sosyn, badmıntonnan úzdik 16 sportshy arasyndaǵy báseke Oral qalasynda, 13-17 aqpan aralyǵynda uıymdastyrylady.
Al velotrekten Qazaqstannyń qysqy Ashyq chempıonatyn 18-23 aqpan aralyǵynda Astana qalasy qabyldamaq. Sondaı-aq, trıatlonnan elimizdiń qysqy birinshiligi 22-24 aqpan kúnderi elordada ótedi.
Al jaqynda ǵana bas bapkerin jańalaǵan bylǵary qolǵap sheberleri bıylǵy jyldyń alǵashqy resmı týrnırine qatysady. Ǵalymbek Kenjebaev jattyqtyratyn boksshylar Úndistan men Vengrııada ótetin halyqaralyq týrnırge qatyspaq.
Sonymen qatar, QR Ulttyq olımpıadalyq komıteti Qazaqstan sportshylary baq synaıtyn halyqaralyq týrnırlerdiń tizimin de jarııa etti.
Qazaqstan sportshylary baq synaıtyn halyqaralyq týrnırler:
Bokstan halyqaralyq týrnır (Úndistan), 4-10 aqpan
Bokstan halyqaralyq týrnır (Vengrıa), 5-10 aqpan
Aýyr atletıkadan halyqaralyq chempıonat (Taıland), 5-11 aqpan
Semserlesýden álem kýbogi kezeńi. Shpaga, erler (Vankýver, Kanada), 7-11 aqpan
Semserlesýden álem kýbogi kezeńi. Shpaga, áıelder (Barselona, Ispanııa), 7-11 aqpan
Dzıýdodan Grand-slem týrnıri (Parıj, Frantsııa), 7-11 aqpan
Karateden Premer-lıga týrnıri (Dýbaı, BAÁ), 13-18 aqpan
Kórkem gımnastıkadan Gran-prı týrnıri (Máskeý, Reseı), 14-18 aqpan
Turkish open G1, taekvondodan halyqaralyq týrnır (Antalııa, Túrkııa), 13-17 aqpan
Sporttyq gımnastıkadan álem kýbogi kezeńi (Melbýrn, Avstralııa), 17-25 aqpan
«Egypt Open G2», taekvondodan halyqaralyq týrnır (Hýrgada, Egıpet), 17-25 aqpan
Dzıýdodan Gran-prı týrnıri (Dıýsseldorf, Germanııa), 20-25 aqpan
Bokstan halyqaralyq týrnır (Iran), 22 aqpan - 2 naýryz
Velotrekten álem chempıonaty (Varshava, Polsha), 25 aqpan - 4 naýryz.
