Aqpan aıynda ınflıatsııa 0,9 paıyzdy qurady - Grıgorıı Marchenko
ALMATY. Naýryzdyń 10-y. QazAqparat /Erlik Erjanuly/ - Aqpan aıynda elde ınflıatsııa 0,9 paıyzdy qurady. Bul jaıly Ulttyq bank tóraǵasynyń búgin Almatyda ótkizgen baspasóz máslıhatynda aıtyldy,
dep habarlaıdy QazAqparat.
"Aqpan aıynda aıtarlyqtaı ózgerister bolǵan joq. Inflıatsııa jyldyq kórsetýde 7,4 paıyz boldy. Al ortasha alǵanda jyl úshin 7,1 paıyzdy qurady. Ózderińizge málim, bizdiń ınflıatsııada 2010 jylǵa jasaǵan boljamymyz 6-8 paıyz aralyǵynda", deıdi QR Ulttyq bank tóraǵasy Grıgorıı Marchenko. QR Statıstıkalyq agenttiginiń derekterine qaraǵanda, aqpan aıynda baǵa azyq-túlik taýarlarynda - 1,3 paıyz, azyq-túlikke jatpaıtyn taýarlarda - 0,4 paıyz, al aqyly qyzmet kórsetýde 0,7 paıyzǵa ósti. Inflıatsııanyń kólemi qańtar-aqpan aılarynda byltyr 1,4 paıyz bolsa, bıyl 2,3 paıyzdy qurap otyr. G. Marchenkonyń aıtýynsha, aǵymdaǵy jyldyń qańtar-aqpan aılarynda ınflıatsııa qarqyndarynyń jyldamdatylýy osy kezeńde baǵasy 2,4 jáne 3,5 paıyzǵa ósken azyq-túlik taýarlary men aqyly qyzmet kórsetýdiń qymbattaýyna baılanysty boldy.
