Aqpan aıynda «Eýrazııa» birinshi arnasynyń jańalyqtar qyzmeti iske qosylady
ASTANA. 10 aqpan. QazAqparat - Aqpan aıynyń sońyna deıin «Eýrazııa» birinshi arnasynyń jeke jańalyqtar qyzmeti jumys isteı bastaıdy.
Bul týraly atalmysh arnanyń baspasóz qyzmetinen habarlandy.
«Eýrazııa» birinshi arnasy álemde bolyp jatqan mańyzdy degen oqıǵalar jónindegi jańalyqtar arqyly kórermenderdiń bastaryn qosatyn bolady. «Eýrazııa» birinshi arnasy jańalyqtardy jańa, jeńil kreatıvti tásilimen usynbaq. Telearnanyń júrgizýshileri qazaq tilinde de orys tilinde de erkin sóıleıdi. Olar memlekettik tildi aqparattyq jáne zamanǵa saı til retinde nasıhattaýdy qolǵa alǵaly otyr. Telearnada jańalyqtar kúnine eki ret 14.30-da jáne 19.00-de eki tilde shyǵatyn bolady. Keshki jańalyqtardy kelesi kúni 9.00-de qaıtalap kórýge bolady. Al juma kúni keshkisin kórsetilgen jańalyqtar efırge senbi kúni, tańǵy saǵat 10.00-de qaıta shyǵady.
