Aqpan aıynda elordada jaýǵan qardyń mólsheri normadan 3 ese joǵary boldy
NUR-SULTAN. QazAqparat - 2020 jyly aqpan aıynda elordada jaýǵan qar mólsheri normadan 3 ese joǵary bolyp otyr. Norma 15 mm bolsa, jaýǵan qar mólsheri 44 mm bolǵan, dep habarlaıdy QazAqparat qala ákimdigine silteme jasap.
«Aýa raıy jıi qubyldy, jaýyn jaýyp artynan qarǵa aınalǵandyqtan qalada kóktaıǵaq paıda boldy. Qatty jel soqty, dabyldy eskertý saqtalýda. Aqpan aıynda qalada jaýǵan qardyń mólsheri 44 mm. Al norma 15 mm quraıdy. 26 aqpannan 27 aqpanǵa qaraǵan túni 9 mm qar jaýdy, bul jarty aılyq normadan da joǵary! Qańtar aıynda jaýǵan qardyń mólsheri normadan 3 ese artyq boldy, norma 16 mm bolsa, túsken qar - 53 mm», - dedi «Qazgıdromet» RMK gıdrometeorologııalyq ortalyǵynyń dırektory Marına Shmıdt.
Osylaısha, qarashada 47 mm (norma 28 mm), jeltoqsanda - 39 mm (norma 22 mm), qańtarda - 53 mm (norma 16 mm) qar tústi. Ótken qysta 102 mm qar tústi. Bıyl qarasha-aqpan aılarynda ǵana 183 mm-dan astam qar tústi, bul normadan eki ese artyq.
27 aqpanda qalada qar tazalaýǵa 1,5 myń arnaıy tehnıka men 1 605 jol jumysshy shyqty. Kóktaıǵaqqa qarsy qospa sebilip, jınalyp qalǵan sý sorǵyzyp alý júrgizilip jatyr. Qys boıy barlyǵy 4 mln 840 myń tekshe metr qar shyǵaryldy (403 455 reıs).
Aıta keterligi, qaladan shyǵatyn barlyq jol jabyq.
