Aqpan aıynda el kásiporyndaryna 65,0 myń adam jumysqa qabyldanyp, 54,7 myńy túrli sebeptermen bosatyldy

ASTANA. 14 naýryz. QazAqparat - 2011 jyldyń aqpanynda respýblıkanyń iri jáne orta kásiporyndary men uıymdaryna 65,0 myń adam jumysqa qabyldanyp, túrli sebeptermen 54,7 myń adam jumystarynan bosatyldy.

Bosatylǵan qyzmetkerlerdiń 85,0 paıyzy jumystan óz erkimen, 2,7 paıyzy - qyzmetkerler sanynyń qysqarýyna baılanysty jáne 12,3 paıyzy - basqa sebepter boıynsha shyqty.

2011 jylǵy aqpan aıynda qabyldaý boıynsha aınalym koeffıtsıenti 2,2 paıyzdy, jumystan bosatý boıynsha aınalym - 1,8 paıyzdy, kadr turaqsyzdyǵy - 1,6 paıyzdy qurady. Atalmysh kezeńde jumystan bosatylǵan qyzmetkerler sany qaıta qabyldanǵan kadrlarmen 118,8 paıyzǵa tolyqtyryldy.