Aqpan aıynda azyq-túlik taýarlarynyń baǵasynda birshama ózgerister baıqaldy
ASTANA. QazAqparat - 2015 jylǵy aqpanda azyq-túlik taýarlarynyń baǵasy 2014 jylǵy aqpanmen salystyrǵanda 7,4 paıyzǵa ósti. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
2015 jylǵy aqpanda 2014 jylǵy tıisti aımen salystyrǵanda baǵa jarmalarǵa 22 paıyz, unǵa - 14,9 paıyz, kofe, shaı jáne kakaoǵa - 10,2 paıyz, sút ónimderine - 9,7 paıyz, qantqa - 9,5 paıyzǵa ósken. Sonymen qatar, baǵa balyq jáne teńiz ónimderine - 9,1 paıyzǵa, toqash jáne un ónimderine - 8,5 paıyzǵa, kondıterlik ónimderge - 8,4 paıyzǵa, nanǵa - 8,2 paıyzǵa, makaron ónimderine - 7,2 paıyzǵa, alkogoldi ishimdikterge - 7,1 paıyzǵa, jemister men kókónisterge - 7 paıyzǵa, maı jáne toń maıǵa - 2,2 paıyzǵa artty. Atalǵan kezeńde et jáne et ónimderi baǵasynyń ósimi 4,4 paıyzdy qurady. Qus etine baǵa deńgeıi 14,6 paıyzǵa, shujyq ónimderine - 11 paıyzǵa, shoshqa etine - 8 paıyzǵa, jylqy etine - 1,7 paıyzǵaǵa joǵary boldy, al qoı etine baǵa 0,4 paıyzǵa tómendegen.
