Aqpan aıynda azyq-túlik taýarlarynyń baǵasy byltyrǵy jylmen salystyrǵanda 4,7 paıyzǵa ósti - Statıstıka
ASTANA. Naýryzdyń 1-i. QazAqparat /Qanat Mámetqazyuly/ - 2010 jyldyń aqpan aıynda elimizdegi azyq-túlik taýarlarynyń baǵasy byltyrǵy 2009 jylǵy aqpan aıymen salystyrǵanda 4,7 paıyzǵa ósti,
dep habarlaıdy QazAqparat QR Statıstıka agenttiginiń baspasóz qyzmetine silteme jasap.
Agenttik málimetterine qaraǵanda, 2010 jylǵy aqpanda 2009 jylǵy tıisti aımen salystyrǵanda baǵa qantqa 42,2 paıyz, kofe, shaı jáne kakaoǵa - 19,5 paıyz, toqash pen un ónimderine - 7,3 paıyz, alkogoldi ishimdikterge - 6,6 paıyz, kondıterlik ónimderge - 6,1 paıyz, sút ónimderine - 4,4 paıyz, makaron ónimderine - 1,3 paıyz ósken. Sonymen birge, baǵanyń tómendeýi unǵa 17 paıyz, jarmaǵa - 6,1 paıyz, jemister men kókónisterge - 4,3 paıyz, nanǵa - 3,4 paıyz, jumyrtqaǵa - 2,6 paıyz, maı jáne toń maıǵa 0,8 paıyz deńgeıinde baıqalǵan.
Esepti kezeńder boıynsha et jáne et ónimderi baǵasynyń ósimi 8,1 paıyzdy quraǵan. Bunyń ishinde, shoshqa etine baǵa deńgeıi 12,4 paıyz, shujyq ónimderine - 6,9 paıyz, qoı etine 4,3 paıyz, jylqy etine - 3,6 paıyz, qus etine 1 paıyzǵa joǵarylady.
