Aqpan aıynda Astanada «E-PIK» jobasy iske qosylady
«E-PIK» jobasy turǵyndar men pəter ıeleri kooperatıvi arasyndaǵy baılanysty jaqsartyp, PIK-terdiń ashyqtyǵyn qamtamasyz etýge baǵyttalǵan. Biz bul jobary turǵyn úı ınspektsııasymen birge, osy jyldyń qańtarynda bastadyq. Joba jetekshisi - Əlıhan Qýatbekov. Joba aqpan aıynda iske qosylyp, səýir aıyna deıin ilki joba retinde jumys isteıdi. Qazir jobanyń tehnıkalyq talaptary daıyndalyp jatyr. Qazir «E-PIK» sııaqty avtomattandyrylǵan ónimderi bar birqatar ınvestorlar bizdiń jobaǵa ınvestor bola alamyz dep otyr. Jobany tek ınvestordyń qarajaty esebinen júzege asyrmaqpyz»,-degen ol «E-PIK» jobasynyń qalaı jumys isteıtinin aıtyp berdi.
Onyń aıtýynsha, joba mobıldi qosymsha retinde, bolmasa portal retinde iske qosylady.
«Ərbir turǵyn mobıldi qosymshaǵa nemese portalǵa tirkelip, jeke kabınetin ashady. PIK óz kezeginde turǵynnyń sol úıde turatynyn rastaı alady. Turǵyndar «E-PIK» arqyly ótinish qaldyra alady. Mysaly, qazir elektrshi nemese santehnık shaqyrý úshin qazir turǵyndar PIK-ke jazbasha ótinish qaldyrady. Ol ótinish múlde qaralmaı qalýy múmkin. Al «E-PIK» jobasy arqyly siz elektrondy túrde ótinish qaldyryp, ózińizge yńǵaıly ýaqytqa elektrshi shaqyra alasyz. Elektrshi de sizge habarlasyp, óziniń bos ýaqytyn habarlaı alady. «E-PIK» jobasy arqyly PIK-ter de turǵyndarǵa habarlama qaldyra alady. Mysaly, qazir aýlalarda qar tazalaý qıynǵa soǵyp tur, sebebi, aýla tolǵan kólik. Kólik ıeleri, ıaǵnı turǵyndar qardyń qashan tazalatynyn bilmeıdi. «E-PIK" arqyly PIK-ter turǵyndarǵa qar tazalaıtyn ýaqyt týraly habarlama tarata alady»,-dedi J.Dúbirova.
Onyń ústine, J.Dúbirovanyń aıtýynsha, pəter ıeleri kooperatıvteri qazir zańnama boıynsha turǵyndardan jınalǵan qarjy týraly únemi esep berip otyrýy tıis. Biraq, PIK-terdiń kóbi ondaı esep úshin jınalys ótkizbeıdi, ótkizgen kúnniń ózinde, turǵyndardyń kóbi ol jınalysqa kele almaıdy. Al «E-PIK» qosymshasy arqyly ərbir turǵyn PIK-terdiń qarjylyq esebin únemi kórip otyrady.
«Joba qala boıynsha 300 PIK-ti jəne 1700 úıdi qamtymaq. Jalpy, qala boıynsha 2400 úı bar, biraq tirkelmegen PIK-ter de bar. Ondaı PIK-terdi anyqtap, bolashaqta búkil qalany qamtý josparda bar»,-dedi ol.
