Aqpan aıynda «Astana Opera» teatry qandaı baǵdarlamalar usynady

Aqpanda Kameralyq zal sahnasynda G.Donıtsettıdiń «Don Paskýale» operasyndaǵy Dáriger Malatesta partııasynda Qazaqstannyń eńbek sińirgen qaıratkeri Azamat Jyltyrkózovtiń debıýti oryn alady.

2 aqpan kúni saǵat 19.00-de «Qazaqkvartet shaqyrady» toptamasynan «Bela Bartokty tý etip» kontserti ótedi. Ǵ.Jubanova atyndaǵy Memlekettik ishekti aspaptar kvarteti kontsertteriniń jańa serııasy bıyl álemdik mýzyka qaýymdastyǵy 140 jyldyǵyn atap ótip jatqan vengr kompozıtorlar mektebiniń iri ókilderiniń biri Bela Bartokka arnalǵan. Baǵdarlamada – I.Gaıdnnyń Іshekti aspaptar kvarteti, or.20 №1, mı-bemol major jáne B.Bartoktyń №5 ishekti aspaptar kvarteti. Kesh aıasynda zamanaýı qazaqstandyq kompozıtor Artyq Toqsanbaevtyń Táttimbet kúıleri taqyrybyna arnalǵan týyndysy – Respect to you Mr. Tattimbet ishekti aspaptar kvartetiniń premerasy oryn almaq. Іshekti aspaptar kvartetiniń quramy: Aıdar Toqtalıev (1-shi skrıpka), Alekseı Lebedev (2-shi skrıpka), Bekzat Saılaýbaıuly (alt), kórkemdik jetekshisi – Qazaqstannyń eńbek sińirgen qaıratkeri Ernar Myńtaev (vıolonchel).

5 aqpan kúni saǵat 19.00-de «Uly esimder» toptamasynan sımfonııalyq mýzyka kontsertinde jurtshylyq nazaryna «Astana Opera» solısteri men sımfonııalyq orkestrdiń oryndaýynda Iozef Gaıdn men Lıýdvıg van Bethovenniń shyǵarmalary usynylmaq, dırıjer – Raqymjan Baspaev. Vena mektebi kompozıtorlary shyǵarmashylyǵynyń ózindik ınterpretatsııasyn Qazaqstannyń eńbek sińirgen qaıratkerleri Dáýlet Shákirov (vıolonchel), Damılıa Mahpırova (goboı), halyqaralyq baıqaýlardyń laýreattary Ánel Shákirova (skrıpka) jáne Raqymjan Baspaev (fortepıano) usynady. I.Gaıdnnyń Sımfonııa do major («Balalarǵa arnalǵan»), Orkestr men goboıǵa arnalǵan kontserti, do major, № 45 sımfonııa, fa-dıez mınor «Qoshtasý», L.van Bethovenniń №14 sonatasy, or.27 do-dıez mınor, Fortepıano, skrıpka jáne vıolonchelge arnalǵan úshtik kontserti, do major, or.56 shyǵarmalary shyrqalady.

7 aqpan saǵat 17.00-de teatrdyń opera solısteri men orkestr ártisteri «Romans sıqyry» toptamasynan «Kamın janyndaǵy kesh» kontsertinde óner kórsetedi. Aızada Qaponova («Qurmet» ordeniniń kavaleri), Qazaqstannyń eńbek sińirgen qaıratkeri Jamılıa Djarkımbaeva, halyqaralyq baıqaýlardyń laýreattary Galına Cheplakova, Elena Ganja, Ásem Sembına (soprano), Gúljanat Sapaqova, Tatıana Vıtsınskaıa (metstso-soprano), Qazaqstannyń eńbek sińirgen ártisi, QR Memlekettik syılyǵynyń laýreaty Shahımardan Ábilov (barıton), ánshi Maıra Dáýletbek, Baljan Saparova (fleıta), Maǵrýfa Muqajanova (arfa) jáne ishekti aspaptar kvarteti quramynda: P.Chaıkovskıı atyndaǵy H halyqaralyq jasóspirimder baıqaýynyń laýreaty Aqbıke Alǵı (1-shi skrıpka), halyqaralyq baıqaýlaryń laýreattary Indıra Nurlybaı (2-shi skrıpka), Leonıd Mysovskıı (alt), Ajar Qadyrova (vıolonchel) tyńdarman qaýymǵa romantıkalyq kóńil-kúı syılamaq. Fortepıano partııasynda – halyqaralyq baıqaýlardyń laýreaty Raýshan Beskembırova. «Astana Opera» Kameralyq zalynda J.Offenbah, A.Dvorjak, E.Elgar, P.Chaıkovskıı, N.Rımskıı-Korsakov, A.Rýbınshteın, S.Rahmanınov, A.Glazýnovtyń romanstary, ánderi jáne aspaptyq shyǵarmalary, sonymen qatar bularmen úndes jalyndy poezııa shýmaqtary oryndalady.

9 aqpan saǵat 19.00-de Qazaqstannyń eńbek sińirgen qaıratkeri Baǵdat Ábilhanov «Lıýdvıg van Bethovenniń barlyq sonatalary» toptamasynan ekinshi keshti usynady. «Mýzyka qudaıy qonystanǵan opus…» kontsertinde fortepıano partııasyn halyqaralyq baıqaýlardyń laýreaty Saltanat Ábilhanova oryndaıdy. Baǵdarlamaǵa L.van Bethovenniń Skrıpka men fortepıanoǵa arnalǵan №2 sonatasy, lıa major, op. 12/2, Skrıpka men fortepıanoǵa arnalǵan №4 sonatasy, lıa mınor, op. 23, Skrıpka men fortepıanoǵa arnalǵan №6 sonatasy, lıa major, or. 30 №1 endi. Saltanat Ábilhanovamen birge toptama aıasynda «Astana Opera» sımfonııalyq orkestriniń birinshi skrıpkasy, solısi ári kontsertmeısteri Baǵdat Ábilhanov uly nemis kompozıtorynyń skrıpka men fortepıanoǵa arnap shyǵarǵan barlyq 10 sonatasyn oryndaıdy.

12 aqpan saǵat 19.00-de jáne 13 aqpan saǵat 17.00-de elordalyq teatrsúıer qaýymdy Gaetano Donıtsettıdiń ataqty «Don Paskýale» komedııalyq operasynyń jarqyn qoıylymy kútedi. 13 aqpan kúni Dáriger Malatestanyń partııasynda teatrdyń Kameralyq zal sahnasynyń tórine alǵash ret Qazaqstannyń eńbek sińirgen qaıratkeri Azamat Jyltyrkózov shyǵady, bir kún buryn bul obrazdy Erjan Saıpov somdaıdy. Don Paskýale – Evgenıı Chaınıkov, Shyńǵys Rasylhan, Norına – Qazaqstannyń eńbek sińirgen ártisi Jannat Baqtaı, Qazaqstannyń eńbek sińirgen qaıratkeri Saltanat Ahmetova, Ernesto – Qazaqstannyń eńbek sińirgen qaıratkeri Jan Tapın, Narul Toıkenov, Karlıto – Erulan Kámel, Rýslan Sovet. Spektakl «Piccolo» kameralyq teatry jobasy aıasynda júzege asyryldy.

«Astana Opera» sımfonııalyq orkestri, hory jáne mımansy. Qoıýshy dırıjer – Qazaqstannyń eńbek sińirgen qaıratkeri Abzal Muhıtdın, qoıylymnyń kórkemdik jetekshisi – Alla Sımonıshvılı, stsenograf jáne kostıýmder boıynsha sýretshi – Manana Gýnıa, rejısser – Erenbaq Toıkenov. Bas hormeıster – Qazaqstannyń eńbek sińirgen qaıratkeri Erjan Dáýitov, qoıýshy dırıjerdiń assıstenti – Rýslan Baımýrzın. Kontsertmeısterler – Elena Sahno, Irına Kýrgýzkına, Janar Ahmetova, Merýert Jekenova, Jańyl Raqymbekova.

16 aqpan saǵat 19.00-de tyńdarman nazaryna Tek MOZART! atty vokaldyq-sımfonııalyq mýzyka kontserti usynylady. Osy keshte uly avstrııalyq kompozıtor V.A.Motsarttyń týyndylary, atap aıtqanda, «Fıgaronyń úılený toıy» operasynan ývertıýra men graf Almavıvanyń arııasy, №28 sımfonııa, do major, KV200 jáne Skrıpka men orkestrge arnalǵan №4 kontsert, re major KV218 oryndalady. Halyqaralyq baıqaýlardyń laýreaty, Zaltsbýrgtegi Motsarteým ýnıversıtetiniń stýdenti Aqbıke Alǵı (skrıpka), opera solısi Erjan Saıpov (barıton) jáne Rýslan Baımýrzınniń jetekshiligimen «Astana Opera» sımfonııalyq orkestriniń oryndaýynda kemeńger klassıktiń shyǵarmalary shyrqalady.

19 aqpan saǵat 19.00-de «Glınkadan bastap Svırıdovqa deıin – mahabbatpen» atty romans keshi ótedi. «Astana Operanyń» Kameralyq zaly sahnasyna Qazaqstannyń eńbek sińirgen qaıratkeri Azamat Jyltyrkózov (barıton), halyqaralyq baıqaýlardyń laýreaty Elena Ganja (soprano), Ajar Qadyrova (vıolonchel) jáne Altynǵanym Ahmetovanyń jetekshiligimen «Astana Opera» teatrynyń balalar hory shyǵady. Fortepıano partııasynda – Merýert Jekenova. Elorda turǵyndary men qonaqtarynyń nazaryna tanymal kompozıtorlar M.Glınka, A.Dargomyjskıı, M.Balakırev, Ts.Kıýı, N.Rımskıı-Korsakov, P.Chaıkovskıı, D.Shostakovıch, G.Svırıdovtyń romanstary usynylady.

20 aqpan saǵat 12.00-de «Teatrǵa saıahat» toptamasynan balalarǵa arnalǵan «Úrlemeli jáne soqpaly aspaptar otbasy» kontserti ótedi. Dırıjer Rýslan Baımýrzınniń jetekshiligimen úrlemeli aspaptar orkestri jáne mýzykatanýshy Marjan Jákenova balalardy árbir aspappen, olardyń dybystalýymen qyzyqty túrde tanystyrady. Jas kórermender úrlemeli aspaptar orkestriniń mýzykasynan lázzat alý múmkindigine ıe bolmaq.

26 aqpan saǵat 19.00-de «Úrlemeli aspaptar saıahaty» kontsertinde úrlemeli ansamblge arnalǵan trıo men kvartetter, sondaı-aq kameralyq mýzyka shyrqalady – E.Brýsılovskııdiń «Gákký», F.Dopplerdiń Eki fleıta men fortepıanoǵa arnalǵan vengr taqyryptaryna dýettınosy, G.Foreniń «Dollı» sıýıtasy, or.56, A.Rýbtsovtyń «Úsh kóńil-kúı», Sh.Gýnonyń Úrlemeli aspaptarǵa arnalǵan shaǵyn sımfonııasy, A.Dvorjaktyń Serenadasy, or.44 oryndalady.

Kontsertti Qazaq Ulttyq óner ýnıversıtetiniń daryndy balalarǵa arnalǵan mektebiniń birinshi synyp oqýshysy, jas ártis Toty Qabdylahmet (blok-fleıta) ashady. Keshti odan ári joǵary dárejeli kásibı mamandar – «Astana Opera» sımfonııalyq orkestriniń mýzykanttary, sondaı-aq QazUÓÝ ustazdary men professorlary: Qazaqstannyń eńbek sińirgen qaıratkeri Erhat Nurǵalıev, Arýjan Tórehanova, Nına Grıgoreva, Lılııa Seıtmýlına, Áıgerim Dáýitbaeva, Dıana Asqarova, Roza Soltyhanova, Janar Jyltyrkózova (fleıtalar), Qazaqstannyń eńbek sińirgen qaıratkeri Damılıa Mahpırova, Lılııa Ábdirahmanova, Nurgúl Saparova (goboılar), Almas Toqpanov, Dáýlet Seıdahmetov, Zarına Appazova (klarnetter), Áset Neldibaev, Vladımır Ardashev, Seıfýl Dalıshev, Shernııaz Nazarov (fagottar), Erlan Jákenov, Qalqaman Dúısenbaev, Dýlat Keńes, Janat Jaqaev (valtornalar), Baqytjan Janturǵanov (vıolonchel), Ádil Satybaldınov (kontrabas), Lıýbov Glınka, Olga Chechneva (fortepıano), QazaQ quintet jalǵastyrady.