Aqpan aıynda Aqtóbede 1 myń adam koronavırýs vaktsınasyn qabyldaıdy
AQTÓBE. QazAqparat – Aqpan aıynda Aqtóbe oblysynda medıtsına qyzmetkerleri koronavırýs ınfektsııasyna qarsy vaktsınany qabyldaıdy, dep habarlaıdy QazAqparat tilshisi.
Aqtóbe oblystyq densaýlyq saqtaý basqarmasy ekpe týraly aqparat taratty. Óńirlik kommýnıkatsııalyq qyzmetinde ótken brıfıngide oblystyq densaýlyq saqtaý basqarmasy basshysynyń orynbasary Bekbolat Іzbasarov aldymen medtsına qyzmetkerleri ekpe qabyldaıtynyn aıtty.
«Aqpan aıynda myń adamǵa vaktsına salynady. Olar ınfektsııalyq statsıonarlar men jedel járdem, qabyldaý bólmesindegi medıtsına qyzmetkerleri. Emhanadaǵy aq halattylar, epıdemıologtar egiledi. Ekinshi kezeńde bilim berý mekemeleriniń qyzmetkerleri vaktsına qabyldaıdy. Barlyǵy 25 emdeý mekemesinde vaktsınatsııalaý júrgiziledi. Ár aýdanda ekpe qabyldaýǵa múmkindik jasalmaq. Barlyǵy 150 myń adamdy qamtý josparda bar», - dedi Aqtóbe oblystyq densaýlyq saqtaý basqarmasy basshysynyń orynbasary Bekbolat Іzbasarov.
