Aqpan aıynda 2 myńnan astam sheteldikke Qazaqstanda jumys isteýge ruqsat berildi
ASTANA. QazAqparat - 2017 jyldyń aqpan aıynda, jergilikti atqarýshy organdar tarapy, 476 jumys berýshige sheteldik jumys kúshin tartý maqsatynda 2 063 ruqsat berip, olar 436,9 mln teńge kóleminde salyq tólemin jasady, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.
Ruqsat berý boıynsha memlekettik qyzmet, tikeleı jergilikti atqarýshy organdarmen qosa, «elektrondyq úkimet» portalynyń «biryńǵaı tereze» ádisi arqyly da júzege asyrylady.
Eske sala ketsek, 2017 jyldyń 1 qańtarynan bastap, Qazaqstan Respýblıkasyna sheteldik jumys kúshin tartýdyń jańa jeńildetilgen tártibiniń engizilýine baılanysty jumys ruqsattaryn berý merzimi qysqartyldy jáne jumys berýshilerge qatysty ákimshilik talaptar alynyp tastaldy.
Bul erekshe sharttardyń ornyna jumys berýshi jergilikti bıýdjetke tóleıtin jańa salyq alymy engizildi. Alym mólsherlemesi sheteldik jumys kúshiniń sanaty men salasyna qaraı 137 AEK-den 250 AEK-ge deıingi shamada belgilenedi, bul 290 myń men 530 myń teńge aralyǵy.
Atalǵan rette jumys berýshilerge qoıylatyn kadrlarǵa jergilikti qamtylym jónindegi sharttardy saqtaý talaptary ózgermeıdi, ıaǵnı basshylar men olardyń orynbasarlary boıynsha keminde - 70%, mamandar men bilikti jumysshylar boıynsha keminde - 90%.
