Aqpan aıynda shekarada 2 559 zań buzýshy ustaldy - UQK

ASTANA. KAZINFORM - Aqpan aıynda shekara keńistiginde 2 559 QR zańnamalaryn buzýshy ustaldy, dep habarlaıdy QR UQK baspasóz qyzmeti. 

UQK Shekara qyzmeti 2024 jyldyń aqpanynda quzyrly organdarmen ózara árekettese otyryp, shekara keńistiginde 2 559 QR zańnamalaryn buzýshyny ustady.

Sonyń ishinde 24 shetel azamaty shekarany buzǵany úshin, 17 shetel azamaty shekarany buzýǵa árekettengeni úshin ustalǵan.

Memlekettik shekara arqyly 996 zańsyz zat alyp ótý faktileriniń joly kesildi, onyń ishinde:

54 fakti – esirtki zattary, jalpy salmaǵy 60 kg joǵary;

20 fakti – atý qarýy men oq-dáriler (6 dana atý jáne 140 dana sýyq qarýy, 32 dana oq-dári);

63 fakti – dinı ádebıet (3 078 dana);

330 fakti – jalpy somasy 8 mln teńgeden asatyn janar-jaǵarmaı materıaldary (38 101 lıtr);

halyqtyq tutyný taýarlary – 429 fakti, jalpy somasy 1,4 mlrd teńgeden astam;

shetel valıýtasy – 100 fakti, jalpy somasy 1 mlrd teńgeden astam.

Kaspıı akvatorııasynda 18 brakonerlik faktileriniń aldy alyndy, sondaı-aq:

9,5 km tordy quraıtyn brakonerlik aýlaý quraldary;

109 dana (454 kg) bekire tuqymdas balyqtar;

39 dana (93 kg) taza tuqymdas balyqtar tárkilendi. 

Aldy alynǵan zalal somasy 173,5 mln teńgeni quraıdy.

Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.

Memlekettik shekarada qandaı da bir shekteý sharalary engizilgen joq, barlyq ótkizý pýnktteri shtattyq rejımde jumys isteýde.