Aqpan aıynda «Samuryq-Qazynanyń» qyzmetin arnaıy talqylaımyz - Prezıdent

ASTANA. KAZINFORM — Bıyl aqpan aıynda «Samuryq-Qazynanyń» máselesi qaralady. Bul týraly Úkimettiń keńeıtilgen otyrysynda Prezıdent Qasym-Jomart Toqaev málim etti.

- «Samuryq-Qazynanyń» aldynda turǵan eń mańyzdy mindettiń biri – qordy reformalaý. Bul jumys oıdaǵydaı júrgizilip jatyr dep aıtý óte qıyn. Árıne, keıbir nátıjeler bar. Degenmen, jumys áli de kóp. Qordyń qyzmetin aqpanda arnaıy talqylaımyz, - dedi Qasym-Jomart Toqaev.

Bul turǵyda Prezıdent aqpan aıyndaǵy talqylaý kezinde qordaǵy reformalar qaralatynyn atap ótti.

Budan buryn habarlanǵandaı, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.

Memleket basshysy 2024 jyldy elimiz oń kórsetkishtermen aıaqtaǵanyn aıtty.

/