Aqpan aıynda 18 myńǵa jýyq qazaqstandyq qan donory boldy

ASTANA. KAZINFORM – QR Densaýlyq saqtaý mınıstrligi bastamashy bolǵan «Donor bol da úmit syıla» atty aqpan aıyndaǵy aktsııa sheńberinde shamamen 18 myń azamat erikti túrde qan donory bolýǵa nıet bildirdi.

2-27 aqpan aralyǵynda respýblıka boıynsha 17 990 adam tolyq qan tapsyrdy, 1 704 donor trombotsıt donatsııasyn júzege asyrdy.

Aktsııa nátıjesinde eldegi medıtsınalyq uıymdarǵa erıtrotsıt quramy bar komponentterdiń 15 901 dozasy, plazmanyń 11 487 dozasy jáne trombotsıtterdiń 4 347 dozasy berildi.

Daıyndalǵan qan komponentteri hırýrgııalyq aralasýlardy qajet etetin, onkogematologııalyq jáne gematologııalyq aýrýlary bar patsıentterdi emdeýge, sondaı-aq shuǵyl jáne josparly medıtsınalyq kómek kórsetýge baǵyttaldy.

- Donorlyq aıyn ótkizý óteýsiz erikti donorlyq mádenıetin nyǵaıtýǵa, azamattardyń donatsııanyń áleýmettik mańyzy týraly habardarlyǵyn arttyrýǵa jáne eldiń medıtsınalyq uıymdarynda qan komponentteriniń turaqty qoryn qalyptastyrýǵa yqpal etedi.

Qazaqstanda jyl saıyn 180 myńnan astam azamat donor atanyp, jalpy sany 250 myńnan astam qan jáne onyń komponentterin tapsyrady. Jyl saıyn 80 myńnan astam patsıentke qan quıý júrgiziledi. Kópshiligi úshin bul saýyǵýdyń jalǵyz múmkindigi, - delingen mınıstrlik aqparatynda.

Aıta keteıik, Astanada áskerı dárigerler qan tapsyrdy.