Aqpan aıynan bastap benzın, dızel, suıytylǵan gaz baǵasy ósedi – Energetıka mınıstri

ASTANA. KAZINFORM – Energetıka mınıstri Almasadam Sátqalıev Úkimettiń keńeıtilgen otyrysynan keıin ótken baspasóz máslıhatynda janarmaı baǵasy keleshekte qalaı retteletinin aıtty.

- Munaı ónimderiniń baǵasynyń ósýi týraly aıtsaq, buǵan deıin Prezıdent janyndaǵy keńes sheshim qabyldap qoıdy. Janar-jaǵarmaı ǵana emes, suıytylǵan munaı gazynyń baǵasyn da kezeń-kezeńmen ósirý týraly sheshim bar. Sondaı-aq, taýarlyq gaz boıynsha da baǵanyń ósýimen baılanysty belgili bir mejeler bar. 
Mundaǵy basty ustanym baǵany baqylaýdyń normatıvtik jáne ákimshilik sharalardy Úkimettiń qolynda qaldyrýǵa baǵyttalǵan. ıAǵnı, atalǵan áleýmettik mańyzy bar taýarlar baǵasynyń kúrt ósýi bolmaıdy, - dedi ol.

Mınıstr janar-jaǵarmaı men suıytylǵan gazdyń baǵasyn aqpan aıynan bastap ósirýdi josparlap otyrǵandaryn málim etti. 

- Taýarlyq gazdyń baǵasy bıylǵy jazǵa qaraı birtindep ósedi dep otyrmyz, - dedi vedomstvo basshysy.

Sondaı-aq Almasadam Sátqalıev suıytylǵan gazdyń baǵasy 98 teńgeden ary qymbattamaıdy degen málimet keltirdi.

- Byltyr baǵa dıapazonyn 54-55 teńge bolsa, 59-90 teńge arasynda bolady. Ol endi óńirlerge baılanysty. Eń joǵarǵy dıapazon óńirlerde 64 teńgeden 98 teńgege deıin bolady dep otyrmyz, - dedi Energetıka mınıstri.

Buǵan deıin Energetıka mınıstri Almasadam Sátqalıev ekinshi AES salýǵa qaıtadan referendým ótkizilmeıtini týraly aıtqan edi. 

Eske salsaq, Serik Jumanǵarın Úkimettiń keńeıtilgen otyrysynan keıin ótken baspasóz máslıhatynda Úkimet qosylǵan qun salyǵyn 20 paıyz kóterý degen sheshimge áli naqty kelgen joq ekenin aıtqan bolatyn.