Aqordanyń mańynan M. Lomonosov atyndaǵy MMÝ-diń qazaqstandyq fılıalyna jańa ǵımarat salynýda
ASTANA. QazAqparat - Astanada M. Lomonosov atyndaǵy Máskeý memlekettik ýnıversıtetiniń qazaqstandyq fılıaly úshin jańa ǵımarat salynýda. Bul týraly búgin Ortalyq kommýnıkatsııalar qyzmetindegi brıfıngte M. Lomonosov atyndaǵy MMÝ qazaqstandyq fılıaly dırektorynyń orynbasary Sabına Aıazbekova málim etti.
«Memleket basshysy Aqordaǵa jaqyn jerden M. Lomonosov atyndaǵy Máskeý memlekettik ýnıversıtetiniń qazaqstandyq fılıaly úshin ǵımarattyń qurylysyna jer telimin bólgizdi. Bıyl bizdiń stýdentter jańa jataqhanaǵa qonystanyp, jaqyn arada oqý ǵımaraty salynady dep úmittenemiz», - dedi ol.
Aıta keteıik, búginde atalǵan oqý orynynyń qazaqstandyq fılıaly elordadaǵy L.N. Gýmılev atyndaǵy Eýrazııa ulttyq ýnıversıtetiniń korpýsynda ornalasqan.
