Aqordanyń baspasóz qyzmeti jarııalaǵan fotobaıqaýdyń qabyldaý merzimi uzartyldy

ASTANA. QazAqparat - Osydan eki aı buryn Aqordanyń baspasóz qyzmeti el táýelsizdiginiń 25 jyldyǵyna arnalǵan «Táýelsizdik - qazaqstandyqtar kózimen» atty fotobaıqaý jarııalaǵan bolatyn. Búgin Aqordanyń baspasóz qyzmetiniń Feısbýktegi jeke paraqshasynda baıqaýdyń fotosýret qabyldaý merzimi taǵy bir aptaǵa, 25 sáýirge uzartylǵany habarlandy.

«Budan eki aı buryn biz el táýelsizdiginiń 25 jyldyǵyna arnalǵan «Táýelsizdik - qazaqstandyqtar kózimen» atty fotobaıqaý jarııalaǵan edik.
Osy ýaqyt ishinde ártúrli kezeńde túrli jastaǵy adamdar túrli quraldar arqyly túsirgen myńnan astam fotosýret kelip tústi. Olardyń barlyǵyna ortaq jaıt bireý: olardyń árqaısysy - táýelsiz Qazaqstan tarıhynyń bir-bir bólshegi.
Baıqaýdyń sońǵy kúnderi qatysýshylardyń belsendiligi kúrt artty. Sondyqtan biz fotosýret qabyldaý merzimin taǵy bir aptaǵa, 25 sáýirge deıin uzartyp otyrmyz. Al 5 mamyrda qazylar alqasy eń úzdik jumysty atap,1 mln teńge mólsherindegi bas júldeniń kimge tıesili ekenin jarııa etetin bolady.
Eger qatysqylaryńyz kelse, fotosýretterdi [e-mail] elektrondy poshtasyna joldańyzdar!», delingen habarmalada.