Aqordada Jeńistiń 70 jyldyǵyn merekeleýge daıyndyq máseleleri talqylandy
Júzdesý barysynda Memlekettik hatshy Uly Otan soǵysyna 1 mıllıon 800 myń qazaqstandyqtardyń qatysqanyn eske salyp, júzdegen jerlesterimiz urystaǵy erligi úshin orden, medaldarmen marapattalǵanyn, 500 qazaqstandyq Keńes Odaǵynyń batyry atanǵanyn aıtyp ótti. 110 adam úshinshi dárejeli Dańq ordenimen nagradtalǵan. Osy soǵystan 630 myńnan astam qazaqstandyq elge oralmady, ıaǵnı maıdanǵa attanǵan árbir ekinshi qazaqstandyq jeńis jolynda ózin qurban etti.
Budan bólek, Memlekettik hatshy Qazaqstanda 4 776 soǵys ardageri men 192 myń 980 tyl eńbekkerleri turyp jatqanyn atap ótti.
Óz kezeginde «Qazaqstan Respýblıkasynyń ardagerler uıymy» birlestigi Ortalyq Keńesiniń tóraǵasy Ómirzaq Ozǵanbaı mereıtoı jylynda josparlanǵan sharalar týraly baıandasa, memlekettik organ ókilderi soǵys ardagerleri men tyl eńbekkerlerine áleýmettik materıaldyq jáne medıtsınalyq kómekter kórsetý jaıy týraly áńgimeledi.
