Aqordada Ulttyq keńes músheleriniń usynystary talqylandy

NUR-SULTAN. QazAqparat - Búgin Aqordada Ulttyq keńes músheleriniń usynystaryn talqylaý boıynsha kezekti jınalys ótti. Jınalysty Prezıdent ákimshiligi basshysynyń orynbasary Tımýr Sýleımenov ótkizdi. Bul týraly QR Prezıdentiniń keńesshisi – Ulttyq keńestiń hatshysy Erlan Qarın Facebook-tegi paraqshasynda jazdy.

«Búgingi otyrystyń kún tártibinde kelesi máseleler boldy – halyqtyń áleýmettik álsiz toptaryna jatatyn balalarǵa mindettelgen áleýmettik kómekti qamtamasyz etý, jeke tulǵalardyń bankrottyǵy, zeınetkerlik reformanyń kontseptsııasy, qazaqstandyq jáne sheteldik jumysshylardyń jalaqylarynyń kólemin teńestirý, sheteldik eńbek kúshiniń kvotasy jáne t.b. Talqylaýǵa ulttyq ekonomıka, eńbek jáne áleýmettik qorǵaý, densaýlyq saqtaý, qarjy mınıstrlikteriniń ókilderi qatysty. Kelesi jınalys osy aptanyń aıaǵynda Almatyda ótedi, onyń taqyryby qarjy-bıýdjettik júıeni damytý máselelerine arnalady», - dep atap ótken Erlan Qarın.

Kelesi aptada, qazannyń 16-synda QR Premer-mınıstriniń orynbasary Berdibek Saparbaevtyń tóraǵalyǵymen Ulttyq keńestiń áleýmettik-mádenı reformalar toby daıyndaǵan usynystardyń talqylaýy ótedi.