Aqordada Úkimet otyrysyndaǵy tapsyrmalardyń oryndalýyn baqylaý máseleleri talqylandy

ASTANA. QazAqparat - Memlekettik hatshy G.Ábdiqalyqovanyń, Prezıdent Ákimshiliginiń basshysy N.Nyǵmatýlınniń, «Nur Otan» partııasy Tóraǵasynyń birinshi orynbasary B.Baıbektiń jáne Prezıdent Ákimshiliginiń basshylyq quramynyń qatysýymen keńes ótti.

Bul týraly Aqordanyń baspasóz qyzmeti habarlady.

Memleket basshysy Nursultan Nazarbaev ótkizgen keńes barysynda Úkimettiń keńeıtilgen otyrysynda berilgen tapsyrmalardy oryndaý barysyn baqylaý máseleleri talqylandy. Sondaı-aq daǵdarysqa qarsy qabyldanyp jatqan sharalardy jan-jaqty jarııalap kórsetýdiń jáne halyqty ózekti máseleler jóninde keńinen aqparattandyrýdyń negizgi baǵyttary qarastyryldy.

Keńes qorytyndysy boıynsha Memleket basshysy birqatar naqty tapsyrma berdi.