Aqordada Prezıdent janyndaǵy Sybaılas jemqorlyqqa qarsy kúres máseleleri jónindegi komıssııanyń kezekti májilisi ótti

dep habarlaıdy QazAqparat.

Otyrys barysynda elimizdiń densaýlyq saqtaý salasyndaǵy sybaılas jemqorlyqqa qatysty jaǵdaıdy saýyqtyrý men  aldyn alý jáne ondaǵy memlekettik qyzmet kórsetý standarttaryn engizý máseleleri talqylandy.

Májiliste kún tártibindegi másele jóninde sóz qozǵaǵan Q.Saýdabaevtyń sózinshe, densaýlyq saqtaý salasy men azamattardyń densaýlyqtaryn qorǵaýdaǵy quqyqtarynyń saqtalýy adamnyń basty, ári mańyzdy quqyqtarynyń biri. Táýelsizdik jyldarynda elimizde atalmysh salany jetildirý baǵytynda kóptegen ister atqaryldy. «Ásirese sońǵy jyldary bul salanyń jumysynda serpilis paıda boldy. Bunda tek turǵyndarǵa kórsetiletin qyzmet túrleri boıynsha ǵana emes, osy qyzmettiń sapasy jóninen de ilgerileýshilikter boldy. Álemdik daǵdarysqa qaramastan Memleket basshysynyń qatań talap qoıýy nátıjesinde densaýlyq saqtaý salasyna bólinip otyrǵan qarjy bir teńgege de kemigen joq», dedi Memlekettik hatshy.

«Biz osyndaı múmkindikterdi eskere otyryp, densaýlyq saqtaýǵa bólingen árbir teńgeniń tıisti maqsatqa jumsalýyn muqııat qadaǵalaýymyz qajet. Jemqorlyqty, árıne, kez-kelgen salada joıýǵa kúsh salý kerek. Al densaýlyq saqtaý salasynda onyń eki ese nazarda bolǵany jón. Óıtkeni ol kez-kelgen aýrýdan qaýipti dert», dedi Q.Saýdabaev.