Aqordada memlekettik basqarý tıimdiligin arttyrý máseleleri jóninde respýblıkalyq semınar ótti

Semınar sheńberinde memlekettik basqarý, baqylaý qyzmeti tıimdiligin jetildirý jáne óńirler reıtıngin ótkizý máseleleri talqylandy. Sondaı-aq, semınarda Elbasy Jarlyǵyna sáıkes júrgiziletin memlekettik organdar qyzmetiniń tıimdiligin jyl saıynǵy baǵalaý júıesine aıryqsha kóńil bólindi.

Semınardyń jumysyna Prezıdent Ákimshiliginiń jáne Qazaqstan Respýblıkasy Premer-Mınıstri Keńsesiniń jaýapty qyzmetkerleri, Reseı Federatsııasy Prezıdentiniń Baqylaý basqarmasynyń delegatsııasy, sondaı-aq ortalyq atqarýshy organdardyń jaýapty hatshylary jáne Astana, Almaty qalalarynyń, oblystar ákimderiniń apparat basshylary qatysty.

Reseı Federatsııasy Prezıdentiniń kómekshisi - Baqylaý basqarmasynyń bastyǵy Konstantın Chýıchenko Reseı Federatsııasy Prezıdentiniń tapsyrmalary men basqa da sheshimderin iske asyrý úshin baqylaýdy qamtamasyz etý máselesi boıynsha óz tájirıbesimen bólisti.

Qazaqstan Respýblıkasynyń Baılanys jáne aqparat mınıstri Asqar Jumaǵalıev «Elektrondyq úkimet týraly», Qazaqstan Respýblıkasynyń Memlekettik qyzmet isteri agenttiginiń tóraǵasy Álıhan Báımenov «Memlekettik qyzmettiń qazaqstandyq úlgisi týraly» baıandamalar jasady.

Pikir almasý qorytyndylary boıynsha memlekettik organdar qyzmetiniń tıimdiligin odan ári arttyrý jóninde naqty tapsyrmalar berildi.