Aqordada kvazımemlekettik sektordaǵy sybaılas jemqorlyqpen kúres sharalary talqylandy (FOTO)

ASTANA. QazAqparat - QR Memlekettik hatshysy Gúlshara Ábdiqalyqova oblystardyń, Astana men Almaty qalalary ákimderiniń jáne óńirlik sybaılas jemqorlyqqa qarsy komıssııa músheleriniń qatysýymen onlaın rejimde QR Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń otyrysyn ótkizdi.

«Memleket basshysynyń 2014 jylǵy 26 jeltoqsandaǵy Jarlyǵymen 2015-2025 jyldarǵa arnalǵan sybaılas jemqorlyqqa qarsy jańa strategııa bekitildi. Memlekettiń bul baǵdarlamalyq qujaty aldaǵy onjyldyqqa sybaılas jemqorlyqqa qarsy is-qımyldyń saıasatyn aıqyndaıdy. Ortalyq jáne jergilikti atqarýshy organdardyń josparlary jańa talaptardy eskere otyryp túzetilýi tıis jáne atalǵan strategııany júzege asyrýǵa baǵdarlanýy kerek»,-dedi Memlekettik hatshy.

G. Ábiqalyqova birlesken kúsh-jigermen memlekettik satyp alýlar salasy men kvazımemlekettik sektordaǵy satyp alýlar, sondaı-aq tabıǵı monopolııalardy retteý qyzmetindegi problemalardy sheship, ókiletti memlekettik organdardyń jáne tabıǵı monopolııalar sýbektileri jumysynda ashyqtyqty qamtamasyz etý kerektigin qadap aıtty.

Aıta keteıik, otyrysqa Bas prokýror Ashat Daýylbaevtyń, Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarovtyń, Atyraý oblysynyń ákimi Baqtyqoja Іzmuhambetovtiń, Ońtústik Qazaqstan oblysynyń ákimi Asqar Myrzahmetovtiń jáne basqa da laýazym ıeleriniń baıandamalary tyńdaldy.