Aqordada QR Qaýipsizdik Keńesiniń ulttyq qaýipsizdik strategııasy máseleleri boıynsha vedomstvoaralyq komıssııanyń otyrysy ótti

Reıderlikke qarsy turý máselesi boıynsha QR Bas prokýrory Qaırat Mámı men Joǵarǵy sot tóraǵasy Musabek Álimbekov baıandama jasady.

Otyrysqa qatysýshylar reıderlikke qarsy arnaıy zań jasaý qajettigi, oǵan qarsy turý úshin tıisti praktıkalyq sharalardy qolǵa alý jóninde pikir almasty.

QR qorshaǵan ortany qorǵaý mınıstri Nurǵalı Áshimov ekologııalyq qaýipsizdiktiń aǵymdaǵy jaı-kúıi týraly habarlama jasady. Qaýipsizdik Keńesiniń hatshysy tabıǵat qorǵaý salasyndaǵy barlyq problemalarǵa jańa ekologııalyq-ekonomıkalyq turǵydan kelý qajettigin atap ótti.

Talqylaýdyń qorytyndysy boıynsha tıisti memlekettik organdarǵa reıderlikke qarsy turý jóninde pármendi quqyqtyq tetikter jasaý jáne qorshaǵan ortany qorǵaý boıynsha qyzmetti jetildirý jóninde naqty tapsyrmalar berildi.

Otyrysta berilgen tapsyrmalardyń oryndalýyna baqylaý jasaý Qazaqstan Respýblıkasy Qaýipsizdik Keńesiniń hatshylyǵyna júkteldi.