Aqordada QR Qaýipsizdik Keńesi janyndaǵy saraptamalyq keńes otyrysynda ekologııalyq jaǵdaıdy jaqsartý máseleleri talqylandy

ASTANA. QazAqparat - Búgin Aqordada Prezıdent Kómekshisi - Qaýipsizdik Keńesiniń hatshysy Nurlan Ermekbaevtyń tóraǵalyǵymen «Qazaqstan Respýblıkasyndaǵy ekologııalyq qaýipsizdik» taqyrybynda Qaýipsizdik Keńesi janyndaǵy Saraptamalyq keńestiń otyrysy ótti.

Otyrysqa qazaqstandyq beıindi ǵylymı-zertteý ınstıtýttardyń jetekshileri men úkimettik emes uıymdardyń sarapshylary qatysty.

N.Ermekbaev Qazaqstannyń turaqty damýy men qorshaǵan ortany qorǵaý máselesine Memleket basshysy erekshe nazar aýdaryp otyrǵandyǵyn atap ótti. Qazirgi ýaqytta elimizdegi ekologııalyq jaǵdaıdy jaqsartýda naqty sheshimderdi qabyldaýdy qajet etip otyr jáne osy salada azamattardy únemi qaýip-qaterler týraly aldyn ala aqparattandyryp otyrý qajet.

Sarapshylar ekologııalyq táýekelder, atap aıtqanda, klımattyń ózgerý saldary, jerdiń tozýy men shólge aınalýy, sýdy tıimsiz paıdalaný, óndiristik qaldyqtar men qoqystardyń jınalýyna qatysty alańdaýly ekendikterin bildirdi. Sarapshylar tarapynan Qazaqstandaǵy ekologııalyq qaýipsizdiktiń qaýip-qaterin azaıtý men aldyn alý týraly naqty usynystar usynyldy.

N.Ermekbaev otyrysqa qatysýshylarǵa sý tasqyny tárizdi bolýy múmkin zalaldardy azaıtý, tabıǵı apattardyń paıda bolýynyń aldyn alý men ony boljaýdyń tıimdiligin arttyrý máselesi boıynsha ǵylymı, saraptamalyq qoldaý kórsetýge shaqyrdy.

Saraptamalyq keńes otyrysynyń qorytyndysy boıynsha Qaýipsizdik Keńes qyzmeti men memlekettik organdardyń jumysynda odan ári paıdalaný úshin naqty usynystar berildi.