Aqordada Ǵylym men tehnıka salasyndaǵy Qazaqstan Respýblıkasynyń memlekettik syılyǵyn berý jónindegi komıssııanyń otyrysy ótti
ASTANA. 14 maýsym. QazAqparat /Aıdar Ospanalıev/ - Búgin Aqordada Memlekettik hatshy Qanat Saýdabaevtyń tóraǵalyǵymen Ǵylym men tehnıka salasyndaǵy Qazaqstan Respýblıkasynyń memlekettik syılyǵyn berý jónindegi komıssııanyń otyrysy bolyp ótti.
Otyrysta joǵary marapatqa usynylǵan jumystar boıynsha taqyryptyq sektsııalardyń usynymdary men memlekettik ǵylymı-tehnıkalyq saraptamalyq qorytyndylary qaraldy. Otyrysta kún tártibindegi másele jóninde sóz qozǵaǵan Memlekettik hatshy Qanat Saýdabaev: «Ǵylym men tehnıka salasyndaǵy Qazaqstan Respýblıkasynyń Memlekettik syılyǵyn alýǵa nomınanttardy irikteý bizdiń komıssııaǵa erekshe jaýapkershilik júkteıdi. Biz iriktelgen jumystardy baǵalaýda erekshe prıntsıpti bolýymyz kerek jáne Memlekettik syılyq beriletin Jarlyqta Prezıdent Nursultan Nazarbaev kórsetken joǵary krıterıılerdi basshylyqqa alýymyz kerek. Bul krıterııler anyq jáne naqty ekeni belgili. Memlekettik syılyqtan úmitker árbir jumys aldymen otandyq ǵylymda serpindi bolýy, óz salasynda álemdik analogtarǵa sáıkes nemese odan da joǵary bolýy jáne eldiń ǵylymı-tehnıkalyq damýyna eleýli úles qosýy tıis. Sondyqtan Ǵylym men tehnıka salasyndaǵy Qazaqstan Respýblıkasynyń 2011 jylǵy memlekettik syılyǵy tek Otannyń joǵary nagradasy emes, elimizdiń odan ári ǵylymı-tehnıkalyq progresiniń mańyzdy kórsetkishi bolýy tıis. Bizdiń mindetimiz - Memleket basshysyna usynylǵan jumystardyń ishinen memlekettik syılyqqa naǵyz laıyqtysyn tańdaý»,-dep atap kórsetti.
