Aqordada densaýlyq salasyndaǵy jemqorlyq máselesi qaraldy

ASTANA. QazAqparat - Búgin QR Memlekettik xatshysy Gúlshara Ábdixalyqovanyń tóraǵalyǵymen Prezıdent janyndaǵy jemqorlyqqa qarsy kúres komıssııasynyń kezekti otyrysy ótti, dep xabarlaıdy QazAqparat tilshisi.

«Parlamenttiń úshinshi sessııasynyń ashylýynda Elbasy Nursultan Ábishuly Nazarbaev el damýynyń mańyzdy áleýmettik máni bar basym baǵyttarynyń biri retinde densaýlyq saqtaý salasyn atap ótti. Memleket basshysy dári-dármek pen medıtsına buıymdary salasyndaǵy tártipti retteý qajettigine aıryqsha kóńil aýdardy. Prezıdent óz sózinde tsıfrlandyrý men aqparattyq qaýipsizdik máselelerin de erekshe atap ótken», - dedi komıssııa tóraıymy Gúlshara Naýshaqyzy otyrystyń ashylýynda.

Komıssııa otyrysynda densaýlyq saqtaý salasyndaǵy jemqorlyq máselesinen bólek «Tsıfrlyq Qazaqstan - 2020» memlekettik baǵdarlamasyn iske asyrý sharalary qaraldy.

Aıta keteıik, aldaǵy ýaqytta QR Densaýlyq saqtaý mınıstrligi dári-dármekterdiń shekti baǵasyn engzýdi kózdeıdi.

Sondaı-aq, jalǵan preparattarǵa qarsy arnaıy júıeni engizip jatyr.

Al «Tsıfrlyq Qazaqstan - 2020» memlekettik baǵdarlamasy kúni keshe arnaıy respýbıkalyq keńeste qaraldy.

Aldaǵy ýaqytta Qazaqstandy tsıfrlandyrý jónindegi arnaıy komıssııa qurylady.

Nursultan Nazarbaevtyń aıtýynsha, tsıfrlandyrý barysynda eldiń aqshasyjelge ushpaýy tıis.