Aqorda jelide Elbasynan bata alǵan azamattar týraly kitapty jarııa etti

ASTANA. QazAqparat - Qazaqstan Prezıdentiniń derbes paraqshasyna Elbasydan bata alǵan, búginde azamat bolǵan órenderdiń Táýelsiz elimizdiń damýyna qosqan ózindik úlesterin baıandaıtyn «Prezıdent pen perzent» atty kitap júkteldi. Bul týraly búgin Aqordanyń baspasóz qyzmeti feısbýk jelisindegi paraqshasynda jazdy.

«Jınaqta Elbasynyń aldynda talantymen tanylyp, rızashylyǵyna bólenip, alǵysyn alyp, tilegin tyńdaǵan balalardyń óneri men ómiri jaıly mol maǵlumat beriledi. Bilimi men tárbıege aqyl men qaıratty ushtastyryp, belgili bir belesti ıgergen keshegi balalardyń - búgingi daralardyń jetistigi elge tanystyrylady»,-delingen habarlamada.

Qazaq tilinde jaryq kórgen kitaptyń tolyq nusqasyn myna silteme arqyly oqýǵa bolady.