Aqorda jáne Úkimet Úıiniń sýreti taýar belgisi retinde tirkeldi

ASTANA. QazAqparat - QR Prezıdenti is basqarmasy QR Prezıdenti Rezıdentsııasy «Aqordanyń» jáne «Úkimet Úıi» ákimshilik mekemesi beınelengen toǵyz taýar belgisi men QR Parlamenti Májilisi men Senaty ǵımarattary beınelengen 6 taýar belgisin tirkedi.

Bul týraly QR Prezıdenti is basqarmasynyń baspasóz qyzmetinen habarlady.

Tirkeý týraly kýálikti QR Ádilet mınıstrligi Zııatkerlik menshik quqyǵy komıteti 2023 jylǵa deıingi jaramdylyq merzimimen halyqaralyq taýar klassıfıkatsııasyndaǵy barlyq 45 klass boıynsha berdi.

«Osylaısha QR Prezıdenti is basqarmasy taýar belgisiniń ıesi retinde 1957 jyly 15 maýsymda Nıtstsa Kelisimimen bekitilgen taýar men qyzmettiń halyqaralyq klassıfıkatsııasynda qarastyrylǵan barlyq klass boıynsha ózine tıesili taýar belgilerin paıdalaný men basqarýdyń erekshe quqyǵyna ıe», - delingen habarlamada.

Atalǵan taýar belgilerin tıisti shartsyz paıdalanǵan ózge tulǵalar QR zańnamasynda qarastyrylǵan jaýapkershilikke tartylady, dep eske salady baspasóz qyzmeti.