Aqorda jańalyqtary Aitu ulttyq messendjerinde qoljetimdi bolady

ASTANA. KAZINFORM – Bul týraly búgin Prezıdent keńesshisi – baspasóz hatshysy Rýslan Jeldibaı jazdy.

— Búginnen bastap Aqorda resmı jańalyqtaryn Aitu ulttyq messendjerinen de oqı alasyzdar, — delingen habarlamada.   

Arnaǵa silteme: @aqorda_official.

Eske salsaq Qasym-Jomart Toqaev jasandy ıntellekt salasyn retteý tetikterin jetildirýdi taǵy bir mańyzdy mindet retinde aıqyndady. 

Qasym-Jomart Toqaevtyń pikirinshe, jasandy ıntellekt memlekettik organdardyń jumys tıimdiligin arttyrady.

Aıta ketelik Qazaqstanda aqparattyq qaýipsizdikti nyǵaıtý baǵytyndaǵy jumys jalǵasyp jatyr. Osy strategııa aıasynda eldiń Qarýly kúshteri qyzmettik málimetterdi jiberý úshin otandyq Aitu messendjerine kezeń-kezeńmen kóshýdi bastaıtyny týraly jazǵan edik. 

Memleket basshysynyń tapsyrmasymen qabyldanǵan bul sheshim sheteldik platformalardy paıdalanǵan kezdegi táýekelderdi azaıtýǵa baǵyttalǵan.