Aqorda tvıtteri jazylýshylarynyń sany jyldam ósip kele jatqan álemniń úkimettik akkaýnttary tizimine endi

ASTANA. QazAqparat - Ekonomıkalyq yntymaqtastyq jáne damý uıymy óz shaǵyn blogyna aýdıtorııasy jyldam qarqynmen ósip jatqan álemniń úkimettik Twitter-akkaýnttarynyń tizimin jarııalady.

Aqorda tvıtteri AkordaPress reıtıngte aýdıtorııasy 118,4 paıyzǵa ósip, 16-shy orynda tur.

Tizimde barlyǵy 20 úkimettik akkaýnt bar. Birinshi orynda jazylýshylar sany 293,6 paıyzǵa jetip, Aýǵanstan tur. Ekinshi orynda - Saýd Arabııasy úkimetiniń Twitter-i, onyń aýdıtorııasy 215,4 paıyzǵa ósken. Úshinshi oryndy jazylýshylar sany 212,8 paıyzǵa jetken Úndistan ıelengen. Buǵan 2014 jylǵy maýysym men 2015 jylǵy naýryz aralyǵy eseptelgen.

Aqorda tvıtteri 2012 jylǵy shildede ashylǵan. Akkaýntqa jazylǵandar sany 102 myńnan asady. Shaǵyn blogta 2977 myń post jarııalanǵan.