Aqorda Prezıdenttiń 30 qyrkúıekke deıingi jumys kestesin jarııalady
ASTANA. KAZINFORM – Aqordanyń resmı saıtynda Prezıdenttiń 30 qyrkúıekke deıingi jumys kestesi jarııalandy.
26 qyrkúıekte Memleket basshysy Qasym-Jomart Toqaev Qazaqstan Respýblıkasy Prezıdenti janyndaǵy Ǵylym jáne tehnologııalar jónindegi ulttyq keńestiń otyrysyn ótkizedi.
27 qyrkúıekte Astanaǵa Mıanma Prezıdentiniń mindetin atqarýshy, Memlekettik ákimshilik keńes tóraǵasy Mın Aýn Hlaın saparmen keledi. Aqordada eki el arasyndaǵy yntymaqtastyq máseleleri talqylanatyn joǵary deńgeıdegi kelissózder júrgizý josparlanyp otyr.
29-30 qyrkúıek kúnderi Qasym-Jomart Toqaevtyń shaqyrýymen Italııa Prezıdenti Serdjo Mattarella elimizge resmı saparmen keledi. Memleketter basshylary kelissóz júrgizip, saýda-ekonomıkalyq, ınvestıtsııalyq jáne mádenı-gýmanıtarlyq yqpaldastyqty nyǵaıtý perspektıvalaryn talqylaıdy.
Aıta keteıik, Prezıdent keshe Reseı men Ýkraına kelissózderine qatysty Qazaqstannyń ustanymyn bildirdi.