Aqorda Memleket basshysynyń qatysýymen ótetin is-sharalar ańdatpasyn jarııalady

ASTANA. QazAqparat - Aqordanyń baspasóz qyzmeti Memleket basshysynyń qatysýymen ótetin aldaǵy is-sharalar ańdatpasyn jarııa etti, dep habarlaıdy QazAqparat.

«Nursultan Nazarbaev 2017 jylǵy 11 qazanda Sochı qalasynda ótetin TMD-ǵa múshe memleketter basshylary keńesiniń jáne Joǵary Eýrazııalyq ekonomıkalyq keńesiniń otyrystaryna qatysady», - delingen habarlamada.

Eske sala ketsek, 11 qazanda Sochı qalasynda (RF) Táýelsiz Memleketter Dostastyǵy Memleket basshylary keńesiniń kezekti otyrysy ótedi. Onda saıası, ekonomıkalyq jáne mádenı-gýmanıtarlyq salalardaǵy jáne Dostastyq qyzmetiniń basqa da negizgi baǵyttaryndaǵy yntymaqtastyqty odan ári damytýǵa baǵyttalǵan birqatar máseleler qarastyrylady.