Aqorda qaqpasyn kólikpen soqqan polıtseıler jumystan qýyldy
ASTANA. QazAqparat - Porsche kóligimen Elbasy rezıdentsııasynyń qaqpasyna kólikpen soǵylǵan ishki ister qyzmetkerleri jumystan shyǵaryldy, dep habarlady QazAqparat Astana ІІD baspasóz qyzmetine silteme jasap.
«Qańtardyń 16-nan 17-ne qaraǵan túninde bolǵan jol-kólik oqıǵasyna baılanysty qyzmettik tekserý júrgizildi. Nátıjesinde Astana ІІD ÁPB arnaıy batalonynyń ınspektory, polıtsııa leıtenanty E. Imanbekov Dostyq kóshesimen kele jatyp kóktaıǵaqta rýlge ıe bola almaı qaqpanyń tireýlerine soǵylǵan. Jaralanǵandar men zardap shekkender joq», - dep habarlady ІІD.
Vedomstvo málimdegendeı, oqıǵaǵa kináli E Imanbekov pen onyń bastyǵy vzvod komandıri, polıtsııa kapıtany G.Jumahmetov QR ishki ister organdary qyzmetinen bosatyldy.
Sonymen qatar, uıymdastyrý jáne tárbıe jumystaryn nashar júrgizgeni úshin atalmysh bólimniń basshylyǵy qatań tártiptik jaýapkershilikke tartylǵan.
ІІD aqparatyna sáıkes, 17 qańtar kúni saǵat 03.20 shamasynda Astana ІІD ÁPB arnaıy batalonynyń ınspektory, polıtsııa leıtenanty E. Imanbekov mas kúıinde memlekettik nómiri 420 ULA 01 Porsche Cayenne kóligin basqaryp kele jatyp Aqorda rezıdentsııasy qaqpasynyń tireýine soǵylǵan. Kólikte vzvod komandıri, polıtsııa kapıtany G.Jumahmetov (mashına ıesi) bolǵan. Ol oqıǵa ornynan boı tasalaǵan.
Jol-kólik oqıǵasynyń sýretteri «Vremıa» gazetiniń saıtynda jarııalandy.
