Aqnur Tursynǵalı jasóspirimder Olımpıadasynyń fınalyna shyqty
ASTANA. KAZINFORM — Dakarda (Senegal) ótip jatqan jazǵy jasóspirimder Olımpıadasynda bokstan jartylaı fınaldyq jekpe-jekter bastaldy.
Aqnur Tursynǵalı 57 kelige deıingi salmaqta Ýkraına ókili Evangelına Petrýkpen qolǵap túıistirdi.
Nátıjesinde qazaqstandyq boksshy tóreshilerdiń sheshimimen 4:1 esebimen jeńiske jetti.
Osylaısha Aqnur Tursynǵalı Olımpıada oıyndarynyń altyn medali úshin judyryqtasady. Onyń fınaldaǵy qarsylasy brazılııalyq Sara Kampos bolmaq.
QR UOK málimetinshe, fınal 12 qarashada ótedi.
Aıta keteıik, Qazaqstan boksshylarynyń jartylaı fınaldaǵy qarsylasy anyqtalǵanyn jazǵan edik.