Aqnıet Álimbaı kásipqoı boksta alǵash ret jeńiliske ushyrady
ASTANA. KAZINFORM – Jartylaı orta salmaqtaǵy qazaqstandyq kásipqoı boksshy Aqnıet Álimbaı (2-0, 1 KO) Astanada ótip jatqan «Battle of the Brave» kásipqoı boks keshinde kezekti jekpe-jegin ótkizdi.
Otandasymyz chehııalyq boksshy Iozef Dýbskımen (1-0, 1 KO) judyryqtasty. Eki boksshy alǵashqy raýndtan-aq shabýylǵa shyǵyp, ashyq aıqasqa kóshti. Bastapqy eki raýndta qazaqstandyq boksshy shıraq qozǵalyp, jaqyn aralyqtan nátıjeli soqqylaryn baǵyttady. Alaıda, Aqnıet úshinshi jáne tórtinshi raýndta qarsylasynyń soqqylaryn ótkizip aldy.
Tórt raýndqa sozylǵan jekpe-jekte Iozef Dýbskı tóreshilerdiń sheshimimen jeńiske jetti. Qorytyndy esep – 40:39/38:39/37:39.
Osylaısha, Aqnıet kásipqoı mansabynda alǵash ret jeńildi.
Eske sala ketsek, Jánibek Álimhanuly 5 sáýir kúni Astana qalasynda kezekti jekpe-jegin ótkizip, chempıondyq beldikterin qorǵaıdy.
Osyǵan deıin habarlaǵanymyzdaı, boks keshinde Balaýsa Muzdyman, aǵaıyndy Sabyrhandar, Batyr Júkembaev, Sultan Zaýrbek, Bahodır Jalolov jáne Otabek Holmatov qatarly boksshylar sharshy alańǵa shyǵady.