Aqmysh shatqalyna baǵyttalǵan qarajattyń urlanýyna qatysty tergeý bastaldy
«Mańǵystaý oblysy boıynsha Sybaılas jemqorlyqqa qarsy qyzmet bıyldyń 14 qazanynda Mańǵystaý oblysynyń mádenıet, tilderdi damytý jáne arhıv isi basqarmasy «Mańǵystaý memlekettik tarıhı-mádenı qoryǵy» MM basshysynyń mindetin atqarýshy men kompanııa dırektoryna qatysty Aqmysh shatqaly eskertkishin abattandyrýǵa baǵyttalǵan aqshalaı qarajatty urlaý faktisi boıynsha sotqa deıingi tergeýdi bastady», - dedi D. Bıǵaıdarov Facebook paraqshasynda ótken onlaın brıfıngide.
Onyń aıtýynsha, qazirgi kezde kináli adamdar moıyndaý túsiniktemesin berdi.Qylmystyq is boıynsha tergeý jalǵasýda. Ózge aqparat tergeý múddesine saı jarııa etilmeıdi.
Budan buryn habarlanǵandaı, bıylǵy 9 aıda laýazymdy tulǵalarǵa para berý faktileri boıynsha 381 sotqa deıingi tergeý tirkeldi.