Ákimshilik sottarǵa konstıtýtsııalyq quqyqtyq mártebe berý usynyldy – Ádilet mınıstri
ASTANA. KAZINFORM - Konstıtýtsııada sot bıligin ákimshilik sot isin júrgizý arqyly júzege asyralatynyn tikeleı kórsetý usynyldy. Bul týraly búgin Konstıtýtsııalyq reformalar jónindegi komıssııanyń ekinshi otyrysynda Ádilet mınıstri Erlan Sársembaev málim etti.
- Qazaqstanda 2021 jyldan bastap mamandandyrylǵan ákimshilik sottardyń engizilýi quqyq ústemdigi qaǵıdatyn nyǵaıtý men memleket pen azamat arasyndaǵy naqty tepe-teńdikti qamtamasyz etýdegi mańyzdy qadam boldy. Osyǵan baılanysty Konstıtýtsııada sot bıliginiń ákimshilik sot isin júrgizý arqyly júzege asyralatynyn tikeleı kórsetý usynylady. Tıisti túzetýdi Konstıtýtsııaǵa engizý ákimshilik sottarǵa konstıtýtsııalyq-quqyqtyq mártebe berip, jarııa quqyqtyq daýlarda azamattardyń quqyqtaryn qorǵaý kepildikterin arttyrady ári qoǵamnyń sot bıligine degen senimin nyǵaıtady, - dedi E.Sársembaev.
Budan buryn habarlanǵandaı, Astanada Konstıtýtsııalyq komıssııanyń ekinshi otyrysy bastaldy. Іs-shara konstıtýtsııalyq reformaǵa baılanysty túsken usynystardy talqylaýǵa arnaldy.
QR Konstıtýtsııalyq Sotynyń tóraıymy Elvıra Ázimova komıssııaǵa eki myńnan astam usynys túskenin, olardyń barlyǵy birtutas jınaqtalǵan kestege toptastyrylǵanyn atap ótti.