Ákimshilik reformaǵa sáıkes jergilikti basqarýdyń erejeleri qaıta qaraldy
ASTANA. KAZINFORM — Jańa Konstıtýtsııanyń jobasynda jergilikti memlekettik basqarýǵa qatysty erejeleri qaıta qaraldy. Bul týraly Konstıtýtsııalyq reformalar jónindegi komıssııanyń otyrysynda Konstıtýtsııalyq Sot tóraǵasynyń orynbasary Baqyt Nurmuhanov málim etti.
— Toǵyzynshy bólim «Jergilikti memlekettik basqarý jáne ózin-ózi basqarý» máselelerine arnalady. Quryltaıǵa kóshýge jáne elimizde júrgizilip jatqan ákimshilik reformaǵa sáıkes onyń da birqatar erejesi qaıta qaralyp, tujyrymdaldy, — dedi Baqyt Nurmuhanov jańa Konstıtýtsııanyń jobasyn tanystyrý kezinde.
Budan buryn habarlanǵandaı, jańa Konstıtýtsııanyń jobasyndaǵy úshinshi «Prezıdent» bólimine tujyrymdamalyq turǵydan qaıta qaralǵan jáne múlde jańa erejeler endi.
Sonymen qatar, Quryltaı tóraǵasynyń laýazymyna qatysty máseleler jeke bapta retteldi.