Ákimshilik kedergiler joıylyp keledi – Joǵarǵy Sot tóraǵasy
ASTANA. KAZINFORM – Ákimshilik sottar jumysynyń alǵashqy jyldary reformanyń tıimdiligin kórsetti. Bul týraly elordadaǵy «Ákimshilik ádilet jáne onyń quqyq ústemdigin qamtamasyz etýdegi róli» atty halyqaralyq forýmda QR Joǵarǵy Sotynyń tóraǵasy Aslambek Merǵalıev málim etti.
- Ákimshilik ádilet «Halyq únine qulaq asatyn memleket» qaǵıdasynyń praktıkalyq turǵyda iske asýyna, azamattardyń, bıznes pen ınvestorlardyń quqyqtaryn qorǵaýdyń naqty quralyna aınaldy. Sońǵy 5 jylda sotqa 150 myńnan astam ákimshilik talap qoıý ótinimi kelip tústi. Bul rette jyl saıyn ótinishter turaqty artyp keledi. Bul azamattar men bıznestiń jańa túrdegi sot isin júrgizýdiń tıimdiligine senimdiligin arttyryp, adamdar quqyǵyn qalpyna keltirýdiń naqty tetigi retinde qarastyratynyn bildiredi. Azamattar jeńgen istiń úlesi 15 paıyzdan 60 paıyzǵa derlik óskeni - erekshe kórsetkish. Bul kórsetishtiń artynda ákimshilik kedergilerdiń joıylyp, naqty adamdardyń, kásipkerler men ınvestorlardyń qorǵalǵan keltirilgen quqyqtary tur, - dedi A. Merǵalıev.
Onyń aıtýynsha, jyl saıyn Joǵarǵy sot ınvestorlardyń qatysýymen bolatyn daýlar boıynsha sot-paraktıkasyna taldaý jasaıdy. Olar kóbinese salyq, keden, ekologııa jáne jer qoınaýyn paıdalaný salasyndaǵy daýlar boıynsha sottasyp, onda quqyqtaryn qorǵap jatyr. 2024 jyldan bastap mundaı daýlardyń sany azaıyp, oń dınamıka baıqaldy.
Aıta keteıik, forýmǵa Memleket basshysy Qasym-Jomart Toqaev qatysyp otyr.
Eske salaıyq, búgin Prezıdent vıtse-prezıdent, Quryltaı jáne Halyq keńesi týraly qujattarǵa qol qoıdy.
