Aqmolanyń jastary men qurylysshylary tól merekelerin atap ótti
KÓKShETAÝ. QazAqparat - Kókshetaýda tuńǵysh ret Halyqaralyq jastar jáne Qurylysshylar kúnine oraı Qopa kóliniń jaǵasynda «OpenAir» shoý kontserti ótti, dep habarlaıdy QazAqparat tilshisi.
Qazaqstandyq estrada juldyzdarynyń qatysýymen ótken qos mereke erekshe mazmundy ári aıryqsha boldy. Oǵan jınalǵan qala turǵyndary men jastardyń, qurysh qoldy qurylysshylardyń qarasy meılinshe kóp boldy.
Shara barysynda aǵymdaǵy jyldyń 3-9 tamyzy aralyǵynda jumysshy jastar arasynda ótken «Talanttar alańy-2017» shyǵarmashylyq festıvaliniń jeńimpazdary marapattaldy.
Kókshetaýlyqtar ánshi Álı Oqapov, «Alaý», «Aıýmı», «VoxAcapella» jáne «Ziruza» toptarynyń kontsertin tamashalady. Ásirese, jas, talantty ánshi Álıdiń kókshe jastaryna án shyrqaýy tyńdarmandarǵa tosyn syı boldy. Zamanaýı ánderimen jastardyń júregin jaýlaǵan ózge ánshiler de Qopa kóliniń jaǵasyn ásem áýenge bóledi.
Aıta keteıik, shoý-bıznes ókilderin ózderiniń kásibı merekelerine oraı óńirdegi qurylys kompanııalary shaqyrtqan. Kontserttik baǵdarlama sońy «Dj Soulia», «Dj Green» jáne «Dj Kramp» jastar dıskotekasy men merekelik otshashýǵa ulasty.
