Aqmolanyń úzdik aýyl sharýashylyǵy mamandary marapattaldy
KÓKShETAÝ. QazAqparat - Aqmola oblysynda aýyl sharýashylyǵy eńbekkerleriniń kúni atalyp ótildi, dep habarlaıdy QazAqparat tilshisi.
«Kókshetaý» mádenıet saraıynda uıymdastyrylǵan sharaǵa oblystyń ár óńirinen jınalǵan sala eńbekkerleri qatysty. Jınalǵandarǵa mádenıet saraıynyń foıesinde kórme uıymdastyryldy.
Sharada aımaq basshysy Málik Myrzalın aýyl sharýashylyǵy eńbekkerlerin kásibı merekelerimen quttyqtap, olarǵa tabys tilep, úzdik mamandardy marapattady.
«Bıylǵy kóktem men jaz aılaryndaǵy aýa raıy dıqandar úshin qolaısyz boldy. Soǵan qaramastan aqmolalyqtar dıqandar mol astyq jınady. Elimiz boıynsha eń kóp astyq esporttaıtyn aqmolalyqtar. Bizder ósirip otyrǵan astyq elimizde eń sapaly bolyp sanalady. Bul jetistiktiń bári osy zalda otyrǵan sizderdiń qajyrly eńbekterińizdiń arqasynda», - dedi aımaq basshysy. 
Úzdikterdiń qatarynda Esil aýdanyndaǵy «Zarechnyı» seriktestigi, Sandyqtaý aýdanyndaǵy «Aıdos» sharýa qojalyǵy Jarqaıyń aýdanyndaǵy «Aqbıdaı» seriktestigi tárizdi birqatar sharýashylyqtar bar.
Saltanatty shara jergilikti ónerpazdardyń kontserttik baǵdarlamasyna ulasty.
