Aqmolanyń psıhdıspanserinen 2 naýqas qashyp ketti
KÓKShETAÝ. QazAqparat - Aqmola oblysynda emdeý mekemesinen qashyp ketken psıhonevrologııalyq dertke shaldyqqan eki naýqas ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, aýdandyq polıtsııa bólimine jergilikti medıtsınalyq mekemeniń basshysy habarlasyp, eki naýqastyń qashyp ketkeni týraly aıtqan.
48 jáne 30 jastaǵy er adamdar mekemede em alyp jatqan. Belgili bolǵandaı, er adamnyń biri shızofrenıdiń asqynǵan túrimen aýyrsa, ekinshisi múgedektigine baılanysty esepte turǵan.
Polıtsııa qashqan naýqastardyń týystary men tanystaryn anyqtady. Arada bir kún ótken soń naýqastardyń biri Kókshetaý qalasynda tabylsa, ekinshisi aýdan ortalyǵynda ustaldy.
«Anyqtalǵandaı, er adamdar jolaýshylap ákimshilik ortalyqqa jetken. Naýqastardyń ekeýi de ózderi emdelip jatqan medıtsınalyq mekemege jetkizildi», - dedi vedomstvodan.
