Aqmolanyń Bulandy aýdanynda kóppəterli 15 úı salynady
KÓKShETAÝ. QazAqparat - Aqmola oblysynyń Bulandy aýdanynda kóppəterli 15 úı salynady. Bul týraly aımaq basshysy Məlik Myrzalınniń aýdanǵa jumys sapary barysynda aıtyldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Sapar barysynda aımaq basshysy «Bulandy-Astyq» JShS kásipornynda bolyp, astyq qabyldaý jumystarymen tanysty.
Kásiporyn basshysy Erlan Ahmetovtyń aıtýynsha, elevator táýlik boıy jumys isteýde. Astyq keltirý jumystary bir sətke de toqtamaıdy. Bıylǵy naýqanda elevator 80 myń tonna astyqty qabyldaýǵa daıyn.
Budan keıin oblys ákimi bastaǵan jumys toby Makınsk qalasy ortalyǵynda salynyp jatqan 45 pəterli turǵyn úıdiń qurylys alańyn aralap kórdi. Aıta ketý kerek, ótken jyly Bulandy aýdanynda 18 pəterli alǵashqy turǵyn úı paıdalanýǵa berilgen bolatyn.
Oǵan qosa, memlekettik baǵdarlamany júzege asyrý sheńberinde kóppəterli 15 úı salynady. Makınsk qus fabrıkasynyń ashylýy óńirde baspanaǵa degen suranysty odan ári arttyra tústi.
Nysandy aralaý kezinde aımaq basshysy baspana salýdyń strategııalyq mańyzy zor ekenin aıtyp, Bulandy aýdany əkimine qurylys jumystarynyń qarqynyn arttyrýdy tapsyrdy.
