Aqmolanyń taǵy bir aýdanynda tótenshe jaǵdaı jarııalandy
KÓKShETAÝ. KAZINFORM — Aqmola oblysynyń Bulandy aýdanynda búgin 12 sáýir saǵat 18:00-den bastap tótenshe jaǵdaı jarııalandy.
Aýdan ákimi Ardaq Smaıylov sý tasqynyna baılanysty jasaǵan úndeýinde óńirde tótenshe jaǵdaı jarııalanǵanyn, sondaı-aq, tabıǵı apattan keltirilgen zalaldy joıýmen jáne azaıtýmen aınalysatyn komıssııa qurylǵanyn atap ótti.
«Búgingi tańda zardap shekken adamdarǵa materıaldyq kómek kórsetý úshin barlyq úılerdi komıssııa tekserip, kelgen shyǵyn kólemin esepteıtin bolady», — dedi aýdan ákimi Ardaq Smaıylov.
Aıtýynsha, aýdanda sý tasqynyn aldyn alý úshin aýqymdy jumys júrgizilgen.
Qaýip tóngen aýyldar azyq-túlikpen, dári-dármekpen qamtamasyz etildi.
Zardap shekkenderge kómek kórsetý boıynsha jedel is-sharalardy ótkizýge jergilikti atqarýshy organdardyń, sondaı-aq óńir TJD kúsh-quraldary tartyldy.
Sý basqan úılerdegi barlyq turǵyndar evakýatsııalandy.
Aıta ketsek, 10 sáýir kúni Býrabaı aýdanyndaǵy Qarajar bógeti jarylyp, Kýpchanovka, Voznesenka, Kapıtonovka jáne Jýravlevka aýyldaryn sý basyp qaldy.
Eske salaıyq, budan buryn Kókshetaý qalasy men Atbasar aýdanynda sý tasqynyna baılanysty tótenshe jaǵdaı jarııalanǵanyn jazǵan edik.
Keıin Jarqaıyń jáne Esil aýdandarynda da jergilikti deńgeıde tótenshe jaǵdaı jarııalandy.
