Aqmolanyń bir aýdanynda jylý men sý tarıfteri 72%-ǵa deıin arzandady
ASTANA. KAZINFORM — 2026 jylǵy 1 qarashadan bastap Zerendi aýdanynyń turǵyndary men uıymdary úshin jylý energııasy men sý tarıfteri tómendetildi, dep habarlaıdy Aqmola oblysy prokýratýrasynyń baspasóz qyzmeti.
Taldaý barysynda «Zerenda Servıs» ShJQ MKK tabıǵı monopolııalar týraly zańnama talaptaryn buza otyryp, tarıftik smetada negizsiz joǵarylatylǵan shyǵystardy kózdegeni anyqtaldy.
Zerendi aýdany prokýratýrasynyń prokýrorlyq qadaǵalaý aktisin qaraý nátıjesinde Granıtnyı kentinde tutynýshylar úshin jylý energııasynyń ortasha bosatý tarıfi 1 Gkal úshin 4 014,60 teńgeden 1 121,22 teńgege deıin, ıaǵnı 72,07%-ǵa tústi.
Sondaı-aq jylý energııasynyń ortasha bosatý tarıfi 1 Gkal úshin 7 915,48 teńgeden 6 326,64 teńgege deıin, ıaǵnı 20,07%-ǵa tómendedi.
Sýmen jabdyqtaý qyzmeti boıynsha tarıf 1 m³ úshin 254,97 teńgeden 234,00 teńgege deıin, ıaǵnı 8,22%-ǵa azaıdy.
Qabyldanǵan sharalardyń nátıjesinde 70 kásipkerlik sýbektisin qosa alǵanda, 2 903 tutynýshynyń quqyqtary qorǵaldy.
— Anyqtalǵan buzýshylyqtar úshin «Zerenda Servıs» ShJQ MKK ákimshilik jaýaptylyqqa tartylyp, 1,8 mln teńge mólsherinde aıyppul salyndy, — delingen vedomstvo habarlamasynda.
Buǵan deıin Qyzylordada jaryqtyń jańa tarıfi bekitilgenin jazǵanbyz.
