Aqmolalyqtarǵa ulttyq naqyshtaǵy kóılekter tanystyryldy
KÓKShETAÝ. QazAqparat - Esil aýdanynda ulttyq naqyshtaǵy toı kóılekteri tanystyryldy, dep habarlaıdy QazAqparat tilshisi.
Shara Astananyń 20 jyldyǵy jáne Esil qalasynyń 55 jyldyǵy sheńberinde ótti. Qazaqstandyq tanymal modeler, osy aýdannyń týmasy Malıka Úsipovanyń «Malique» brendiniń sáni kórsetildi. Ulttyq naqyshta tigilgen «Qyz uzatý» kóılekteriniń kollektsııasyn esildik arýlar kıip shyqty.
Shara sheńberinde «Esil daýysy-2018» vokaldyq baıqaýynyń fınaldyq kezeńi uıymdastyryldy. Jas talanttarǵa jol ashatyn mýzykalyq jobany jyl saıyn ótkizý dástúrge aınalǵan. Іrikteý kezeńinen súrinbeı ótken 6 qatysýshy fınaldyq kezeńge qatysa alady. Jeńimpazdarǵa 100 000 teńgeniń sertıfıkaty tapsyrylady. Bul joly baıqaýǵa qatysýshylar bir aı boıy án oryndap shyqty.
Sondaı-aq, otandyq estrada juldyzy Qaırat Baekenov, «Format» jáne «Kılımandjaro» toptarynyń oryndaýyndaǵy ásem án men «Arlan-girls» qyzdarynyń myń buralǵan bıi esildikterdi shalqyta tústi.
Esil aýdanynda jazǵy 31-shi oblystyq «Aq bıdaı» spartakıadasy sheńberinde uıymdastyrylǵan baıqaý jeńimpazdary «V Kontakte» áleýmettik jelisinde daýys berý arqyly anyqtaldy.
Qala ákimi Ǵazız Aıtmuhambetov Esil daýysy-2018» vokaldyq baıqaýynyń jeńimpazy Arsen Amanjolovqa aqshalaı sertıfıkat tapsyrdy.
