Aqmolalyqtarǵa kópshilik is-sharalardy uıymdastyrýǵa tyıym salyndy
KÓKShETAÝ. QazAqparat - «Aqmola oblysynyń aýmaǵynda karantındik shekteý sharalaryn odan ári kúsheıtý týraly» Aqmola oblysynyń Bas memlekettik sanıtarlyq dárigeriniń 2020 jylǵy 26 qarashadaǵy №224 qaýlysyna ózgerister men tolyqtyrýlar engizildi, dep habarlaıdy QazAqparat tilshisi vedomstvonyń baspasóz qyzmetine silteme jasap.
Qaýlyda otbasylyq, estelik (banketter, úılený toılary, mereıtoılar, duǵa) jáne kópshilik jınalatyn ózge de is-sharalardy, onyń ishinde úıde ótkizýge tyıym salyndy.
Oblys turǵyndaryna qoǵamdyq tamaqtaný oryndarda uıymdastyrylatyn kópshilik is-sharalaryna (otbasylyq, eske alý, banketter, úılený toılary, mereıtoılar, duǵa), onyń ishinde úıde ótkiziletin jıyndarǵa barýǵa tyıym salyndy.
Sonymen birge, departament mamandary alda kele jatqan Jańa jyl merekesine baılanysty kópshilik sharalardy, onyń ishinde jańa jyldyq korporatıvterdi ótkizýge tyıym salynǵan eskertedi.
